Nga kutia e transportit te kutia magnetike me inserte — i bëjmë të gjitha, në të njëjtën shtëpi. Puna nis nga kartoni: i valëzuar aty ku duhet forcë, i presuar aty ku duhet trup i fortë dhe pamje, karton normal aty ku kutia palohet dhe shkon në raft.
Kuti transporti, kuti grupimi, kuti arkivi dhe ekspozitorë banaku. Shtresa e printuar bashkohet me kartonin e valëzuar — ky bashkim quhet laminim, dhe është ai që i jep kutisë njëkohësisht sipërfaqen e printuar dhe fortësinë e valës.
Vala zgjidhet sipas peshës së produktit, lartësisë së stivimit dhe mënyrës së transportit. Një kuti që mban dhjetë kilogramë dhe rri tri paleta lart nuk ndërtohet si një kuti ekspozimi që qëndron mbi banak.
Këtu hyjnë edhe kutitë e picës dhe paketimi i ushqimit për dërgesa. Kartoni zgjidhet i certifikuar për kontakt me ushqimin, me valë që mban nxehtësinë dhe nuk zbutet nga avulli. Printim një ose dy ngjyra mbi kartonin kafe, ose shtresë e bardhë kur logo duhet të dalë me ngjyra. Format standard ose i prerë sipas masës — 24, 28, 32 ose 40 cm.
Kuti të ngurta: kapak e fund, kuti magnetike, kuti me inserte të formësuara për produktin brenda. Trupi bëhet nga kartoni i presuar dhe vishet me letër të printuar — prandaj pamja dhe prekja janë të pavarura nga struktura.
Këtu paketimi nuk hidhet pas hapjes: përdoret për dhurata korporative, produkte premium dhe çdo rast ku kutia ruhet.
Kuti të palosshme, që vijnë të sheshta dhe palosen në linjë, për produkte në raft: ushqim, farmaci, kozmetikë, tekstil. Kuti me dritare kur produkti duhet parë. Finitura me plastifikim mat ose të shkëlqyer, llakim UV parcial (Spot UV), relief dhe varak.
Te paketimi ushqimor dhe farmaceutik, materiali zgjidhet i certifikuar për kontakt me ushqimin sipas standardeve europiane dhe amerikane.
Kur një markë ka dhjetë produkte, sfida nuk është një kuti e bukur — është që të dhjetat të duken si e njëjta markë, në të njëjtin raft, me të njëjtat ngjyra. Kjo kërkon menaxhim ngjyrash nga tirazhi i parë te i dhjeti, jo thjesht printim.
Produkti që do të paketohet dhe pesha e tij. Përmasat: gjatësi × gjerësi × lartësi. Lloji i kutisë, nëse e dini — ose thjesht përdorimi, dhe e propozojmë ne. Sasia. Sa ngjyra printim. Finitura. A ju duhet mostër fizike para prodhimit. A keni artwork gati.
Nuk kemi minimum porosie — ofertën e bëjmë edhe për një copë, dhe vendosni ju nëse ju leverdis.